Recollida de residuos por transportista que non asume a titularidade

Procedemento a seguir no caso dun transportista non titular

  • O mesmo tipo de residuo a varios produtores. Os pasos a seguir son:

    1. O transportista cobre e asina o documento de control e seguimento itinerante(SXCR-1).
    2. O produtor asina o documento de control e seguimento itinerante(SXCR-1).
    3. O transportista asina e sela a copia amarela do xustificante de entrega(SXCR-2), e entrégalla ó produtor,como xustificante provisional ata a recepción e aceptación dos residuos polo xestor.
    4. O transportista entrégalle os residuos ó xestor autorizado xunto coas tres copias do documento de control e seguimento itinerante(SXCR-1).
    5. O xestor comproba os datos do documento de control e seguimento itinerante e,se son correctos acepta os residuos:
      1. Devólvelle ó transportista a copia de cor verde(SXCR-1).
      2. Envíalle á Secretaría Xeral de Calidade e Avaliación Ambiental a copia de cor azul(SXCR-1).
      3. Asina e sela o xustificante de entrega(SXCR-2) e remítelle a copia rosa ó produtor no prazo máximo de 1 mes,dende a data de entrega polo transportista.

Nota: Se o xestor comproba que o residuo non concorda coas características do que foi aceptado,rexeitarao e fará constar este feito no documento de control e seguimento.

  • Varios tipos de residuos ao mesmo produtor. Os pasos a seguir son:
    1. O produtor subscribe,cubre e asina o documento de control e seguimento(SXCR-3).
    2. Unha vez conformado o documento coa sinatura e o selo do produtor e do transportista,o produtor conservará unha copia provisional(amarela) que lle servirá como xustificante da entrega do residuo e entregaralle 4 copias ó transportista.
    3. O transportista entrégalle os residuos ó xestor autorizado xunto coas copias branca,rosa,azul e verde do documento(SXCR-3).
    4. O xestor comproba os datos do documento(SXCR-3)e, se acepta os residuos subscribe o dito documento, asumindo entón a titularidade do residuo:
      • Devolve ó transportista a copia de cor verde.
      • A copia de cor rosa envíalla ó produtor no prazo de 1 mes.
      • A copia de cor azul, envíalla á Secretaría Xeral de Calidade e Avaliación Ambiental.
      • A copia de cor branca queda en poder do xestor.

Nota. Se o xestor comproba que o residuo non concorda coas características do que foi aceptado,rexeitarao e fará constar este feito no documento de control e seguimento.