O tema deste ano, "Inspiradas pola natureza para nutrirnos a todos" destaca o papel fundamental que desempeñan as abellas e outros polinizadores nos sistemas agroalimentarios e a saúde dos ecosistemas do noso planeta. De feito, os polinizadores están cada vez máis ameazados pola perda de hábitats, as prácticas agrícolas pouco sostibles, o cambio climático e a contaminación. O seu declive pon en perigo a produción de alimentos, aumenta os custos e agrava a inseguridade alimentaria, especialmente nas comunidades rurais.
