Protexer o noso planeta é a nosa responsabilidade. Únete á revolución verde do Programa da ONU para o Medio Ambiente . ¡Participa, conécta coa natureza e mobiliza á túa comunidade para restaurar o noso planeta!
A Nai Terra claramente pídenos que actuemos. Os océanos énchense de plásticos e vólvense máis acedos. A calor extrema, os incendios forestais, as inundacións e outros eventos climáticos veñen afectando a millóns de persoas.
O cambio climático, os cambios provocados polo home na natureza, así como os crimes que perturban a biodiversidade, como a deforestación, o cambio de uso do chan, a produción agrícola e gandeira intensiva ou o crecente comercio ilegal de vida silvestre, poden acelerar o ritmo de destrución do planeta.
É por iso que necesitamos recuperar os ecosistemas do noso planeta. Os ecosistemas sustentan todas as formas de vida da Terra. Da saúde dos nosos ecosistemas depende directamente a saúde do noso planeta e os seus habitantes. Restaurar aqueles que están danados axudará a acabar coa pobreza, a combater o cambio climático e previr unha extinción masiva. Pero só conseguirémolo se todo o mundo pon da súa parte.
