Plataforma Galega de información ambiental

O FUTURO É CIRCULAR

A Economía Circular é un modelo que favorece o uso eficiente dos recursos, reduce a xeración de residuos e promove a sostibilidade. Para apoiar ás industrias e concellos galegos nesta transición, nacen as Oficinas de Economía Circular. Aquí atoparás asesoramento, formación e recursos para dar un paso cara á circularidade, unha oportunidade única para mellorar a competitividade e o impacto ambiental.

QUE SON AS OFICINAS DE ECONOMÍA CIRCULAR?

Que son las oficinas de economía circular

As Oficinas de Economía Circular son espazos de apoio técnico e estratéxico creados para impulsar a transformación do modelo económico en Galicia. Están deseñadas para ofrecer asesoramento especializado tanto a empresas do sector industrial como a concellos, co obxectivo de fomentar a reutilización de recursos, reducir os residuos e promover un uso sostible dos materiais.

Tanto se es unha empresa que desexa adoptar prácticas máis sostibles como se es unha entidade local que quere mellorar a xestión dos residuos municipais, as Oficinas de Economía Circular son o recurso ideal para avanzar cara ao futuro circular.

PARA INDUSTRIA PARA CONCELLOS

SERVIZOS DAS OFICINAS

ASESORAMENTO PERSONALIZADO

Recibe o apoio necesario para transformar os teus servizos e procesos e avanzar cara un modelo circular.

FORMACIÓN ESPECIALIZADA

Participa en seminarios, obradoiros e xornadas formativas para aprender as mellores prácticas en economía circular.

PROXECTOS COLABORATIVOS

Fomenta a cooperación entre empresas, administracións e outras entidades para impulsar a economía circular no ámbito local e industrial.

ACCESO A FINANCIAMENTO

Guiámoste nas convocatorias de fondos europeos e outras axudas para implementar solucións circulares e sostibles.

BENEFICIOS PARA A INDUSTRIA

As empresas que adopten prácticas de economía circular mellorarán a súa eficiencia, reducindo custos operativos, optimizando recursos e mellorando a súa imaxe de cara aos consumidores. Ademais, contribuirán á loita contra o cambio climático, xa que a economía circular xira en torno á reducción das emisións e á minimización dos residuos.

SOLICITA ASESORAMENTO

BENEFICIOS PARA OS CONCELLOS

Os concellos galegos que aposten pola economía circular optimizarán a xestión de residuos, mellorarán os servizos públicos e fomentarán a participación cidadá. A través das Oficinas de Economía Circular, poden acceder a ferramentas, información e formación para avanzar na sostibilidade e circularidade no eido local.